Specialist për Menaxhimin e Parasë së Gatshme (m/f)

Kompetencat:

• Diplomë universitare (preferohet Bachelor në Ekonomi, Financa apo të ngjashme);
• Dy (2) vite përvojë pune në sektorin banker, me eksperiencë të dëshmuar në operacione bankare dhe menaxhim të parasë së gatshme;
• Aftësi për të punuar në ekip dhe për të menaxhuar situata komplekse;
• Aftësi të shkëlqyeshme të komunikimit dhe analitike;
• Nivel mesatar i Gjuhës Angleze.

Përshkrimi i vendit të punës:

Pozita ka përgjegjësi për monitorimin, koordinimin dhe raportimin e proceseve që lidhen me menaxhimin e parasë së gatshme në degë, ATM dhe Trezorin Qendror, duke siguruar përputhshmëri me politikat e bankës dhe rregulloret përkatëse. Roli kërkon aftësi analitike, organizative dhe bashkëpunim të ngushtë me njësitë e tjera për të garantuar efikasitet dhe siguri në operacionet e parasë së gatshme.

Përgjegjësit e punës:

• Monitoron në baza ditore gjendjen e parasë së gatshme në degë, ATM dhe Trezorin Qendror, duke siguruar respektimin e limiteve të përcaktuara;
• Koordinon kërkesat për furnizim dhe shkarkim të parasë së gatshme, si dhe bashkëpunon me njësinë e parasë së gatshme dhe BQK për realizimin e tyre;
• Trajton diferencat e paraqitura nga arkët, ATM-të dhe Trezori, duke siguruar saktësi dhe përputhshmëri me procedurat e brendshme;
• Përgatit raporte periodike mbi gjendjen e parasë së gatshme, tejkalimet e limiteve dhe statistika sipas kërkesës së menaxhmentit;
• Mbështet degët për zgjidhjen e problemeve që lidhen me paranë e gatshme;
• Analizon proceset ekzistuese dhe propozon përmirësime për optimizimin e menaxhimit të parasë së gatshme.

Procedura e aplikimit:

Plotësoni formën për aplikim online. Pas seleksionimit të dokumentacionit do të ftohen vetëm kandidatët të cilët do të hyjnë në listën e ngushtë. Siguria e të dhënave dhe parimet e privatësisë janë të rëndësishme për ne. Ne do t’i trajtojmë të dhënat e juaja me konfidencialitet të plotë.

Afati i aplikimit është deri me datë: 21 nëntor 2025