Auditor i Brendshëm (m/f)

Kompetencat:

• Diplomë universitare në Ekonomi (Financa, Kontabilitet, Menaxhment ose disiplina të ngjashme);
• Aftësi profesionale për të implementuar dhe përcjellë standardet procedurale dhe teknikat e auditimit në fushat operuese të bankës;
• Njohuri dhe përvojë lidhur me Standardet Ndërkombëtare të Auditimit të Brendshëm;
• Njohuri mbi parimet e administrimit të rrezikut dhe teknikat e avancuara të auditimit të brendshëm në institucionet financiare;
• Minimum 3 vjet përvojë pune në institucione financiare, me përparësi në banka dhe në fushën e auditimit;
• Të jetë së paku kontabilist i/e certifikuar ose auditor i/e certifikuar dhe anëtar i një shoqate kombëtare apo ndërkombëtare profesionale në fushën e kontabilitetit ose auditimit, ose në proces certifikimi;
• Njohuri të programeve bankare dhe paketës Microsoft Office;
• Njohuri të avancuara të gjuhës angleze;
• Aftësi të shkëlqyera komunikuese dhe analitike.

Përshkrimi i vendit të punës:

• Kryen auditimin në mënyrë të vazhdueshme sipas procedurave dhe politikave të brendshme;
• Përpilon me kohë, cilësi dhe korrektësi raportet e departamentit;
• Përgatit materialet për mbledhjet e Komitetit të Auditimit sipas procedurave në fuqi;
• Rishikon dokumentet e brendshme të departamentit dhe përpilon planet e punës në bashkëpunim me UDAB;
• Rishikon aplikimin dhe efektivitetin e procedurave për menaxhimin e rrezikut dhe metodologjive për vlerësimin e rrezikut;
• Rishikon sistemet e menaxhmentit dhe informacionet financiare, përfshirë sistemet elektronike të informacionit dhe shërbimet bankare elektronike;
• Rishikon saktësinë dhe besueshmërinë e regjistrave të kontabilitetit dhe raporteve financiare;
• Rishikon mjetet për ruajtjen e aseteve dhe sistemin e bankës për vlerësimin e kapitalit në lidhje me vlerësimin e rrezikut;Vlerëson ekonomicitetin dhe efikasitetin e operacioneve;
• Teston transaksionet dhe funksionimin e procedurave specifike;
• Rishikon sistemet e vendosura për të siguruar pajtueshmëri me kërkesat ligjore dhe rregullative, kodin e sjelljes dhe zbatimin e politikave dhe procedurave;
• Teston besueshmërinë dhe përpikmërinë e raportimeve rregullatore;
• Mbikëqyr zbatimin e SNK-së, SNA-ve, SNAB-ve dhe SNRF-së;
• Kryen kontrollin e cilësisë së punës së auditimit, bazuar në proces;
• Përpilon raporte draft dhe përfundimtare për auditimet e kryera, si dhe raporte javore, mujore, tremujore dhe vjetore;
• Monitoron zbatimin e rekomandimeve të dala nga raportet e auditimit;
• Siguron mbështetjen e nevojshme për kontrollet e jashtme, si BQK-ja dhe auditorët e jashtëm.

Çfarë ofrojmë ne?

• Një mjedis pune që promovon komunikimin e hapur dhe transparent;
• Mundësi për rritje profesionale brenda një mjedisi dinamik bankar;
• Mbulim të sigurimit shëndetësor për punonjësin;
• Të premten me orar të shkurtuar pune.

Procedura e aplikimit:

Plotësoni formularin për aplikim online. Pas seleksionimit të dokumentacionit, vetëm kandidatët që hyjnë në listën e ngushtë do të ftohen për fazat e mëtejshme të përzgjedhjes. Siguria e të dhënave dhe respektimi i parimeve të privatësisë janë shumë të rëndësishme për ne; të dhënat tuaja do të trajtohen me konfidencialitet të plotë.

Afati i aplikimit: deri më 10 shkurt 2026.