Qëllimi ynë është i përqëndruar në mbështetjen e komunitetit dhe në ndërtimin e platformave drejt rezutlateve pozitive, duke vepruar jo vetëm si entitet biznesi, por edhe si pjesë e komunitetit në të cilin veprojmë. Jo vetëm që jemi të përgjegjshëm në aktivitetet tona por edhe ndajmë përgjegjësinë me aksionarët në lidhje me promovimin e vlerave të shoqërisë, si brenda kompanisë ashtu edhe në komunitet.
Programi i përgjegjësisë shoqërore i bankës BPB zhvillon praktikat më të mira shoqërore, mjedisore dhe komerciale dhe kontribuon në zhvillimin ekonomik të vendit. Përveç tjerash, programi përkrahë grupe të ndryshme të komunitetit, me qëllim të promovimit të të drejtave të barabarta në diversitet.
Banka për Biznes (BPB) është bërë sponsor gjeneral i Federatës së Tenisit të Kosovës, me qëllim të avancimit të sportit të tenisit.Kjo marrëveshje u nënshkrua nga drejtori ekzekutiv i Bankës për Biznes, Arton Celina dhe kryetarit të Federatës së Tenisit të Kosovës, Mejdi Rexhepi.Me këtë rast, Celina tha se përmes nënshkrimit të kësaj marrëveshjeje synojnë të kontribuojnë në zhvillimin e mëtejmë të sportit të tenisit në vend.Ai theksoi se presin që ky bashkëpunim të kurorëzohet me suksese të mëdha në arena të ndryshme.
BPB ka njoftuar se së fundmi ka shpërndarë 65 Pulsoksimetër tek Qendra Kryesore e Mjekësisë Familjare në Kosovë. Këto aparate do të shpërndahen nëpër qendrat e mjekësisë familjare në të gjithë Kosovën. Donacioni për QKMF është bërë për të ndihmuar mjekët në luftën e tyre kundër pandemisë dhe në shenjë mirënjohjeje për kontributin e pakursyer të personelit mjekësor përgjatë kësaj kohe të vështire për të gjithë ne.
BPB ka dezinfektuar 50 lokale të bizneseve kosovare për të i ndihmuar ata në luftën kundër pandemisë Covid19.
‘“Të gjithë jemi të vetëdijshëm për vështirësitë që po kalon biznesi kosovar si pasojë e pandemisë Covid19. Duke marrë parasysh që ne synojmë të jemi banka numër 1 në Kosovë në përkrahjen e bizneseve të vogla, dhe jo vetëm si ofrues i shërbimeve financiare, kësaj radhe kemi zgjedh një numër të bizneseve të cilëve ju kemi sponzorizuar dezinfektimin e lokaleve ku ata operojnë për të ju ndihmuar në luftën kundër Covid19.’ – tha Fisnik Bokshi, menaxher i marketingut në BPB.
BPB ka njoftuar se së fundmi ka shpërndarë 500 dezinfektues nëpër bizneset e vogla në të gjithë territorin e Kosovës.
Së bashku me dezinfektues BPB ka dhënë edhe nga një etiketë ku ju rikujton klientëve që të mbajnë maskën, të mbajnë distancën dhe të dezinfektojnë duart para se të hyjnë në lokalet e bizneseve.
Banka më e suksesshme vendore, BPB ka njoftuar se së fundmi ka bërë një donacion për SOS Fshatrat e Fëmijëve në Prishtinë.
BPB ka dhuruar pako me ushqimet esenciale për SOS Fshatrat e Fëmijëve, për t’ia lehtësuar organizatës kushtuar fëmijëve mbështetjen dhe kujdesin e duhur banorëve të saj në këtë periudhë të vështirë, kur kujdesi për fëmijët është edhe më i nevojshëm.
Banka për Biznes (BPB), për nder të ditës së mësuesit “7 Marsi” ka ndarë një donacion për Shkollën Fillore “Meto Bajraktari” në Prishtinë. Donacioni i BPB-së, për shkollën ‘Meto Bajraktari’ do të ndihmoj këtë shkollë për të pasuruar bibliotekën me tituj të rinj të librave.
Universiteti i Prishtinës “Hasan Prishtina” ka shënuar 50 vjetorin e themelimit. Universiteti i parë publik në Kosovë që pesë dekada edukon dhe përgatit profesionistë për fusha të ndryshme.
Banka për Biznes (BPB), e shpallur nga Revista “The Banker” si banka më e mirë e vitit 2019, i kushton rëndësi të veçantë bashkëpunimit me akademinë si dhe me universitetet në përgjithësi.
BPB ka kontribuar drejt renovimit çerdhes “Yllkat”. Adonis Bllacaku, Udhëheqës i Departamentit të Retail dhe Marketingut, ka thënë se BPB-ja do të vazhdojë edhe në të ardhmen t’i përkrah këto institucione.
BPB ofroi përkrahje për institucionin parashkollor ‘Yllka’ në Prishtinë, duke ofruar falas materiale të mësimit dhe argëtimit për fëmijët e këtij institucioni, si dhe materiale tjera për zhvillim të aktiviteteve dhe mbarëvajtjen e punëve të përditshme.
Pas aktivitetit te fundit në përkrahje të fëmijëve qe BPB kishte zhvilluar vetëm pak ditë më parë, banka sot konfirmoi sërish përkrahje për fëmijët në vend, duke u bërë pjesë e iniciativës së Bankës Evropiane për Rindërtim dhe Zhvillim për komunitetin (EBRD’s Community Initiative).
Më 15 shtator 2017, BPB bëri shpërndarjen e librave dhe materialeve shkollore falas për nxënësit e shkollës ‘Teuta’ në Grashticë, Komuna e Prishtinës. Përkrahja simbolike e bankës për shkollën, motivoi nxënësit shumë të suksesshëm të kësaj shkolle, të vazhdojnë me shumë vullnet shkollimin dhe zhvillimin e tyre akademik dhe profesional.
Më 7 shtator 2017, banka e vendit ka konfirmuar përkrahjen për shoqatën ‘Aksioni për Nëna dhe Fëmijë’ dhe ngjarjen ‘Të vallëzojmë për nënat dhe fëmijët’, të organizuar me qëllim të mbledhjes së fondeve në përkrahje të nënave dhe fëmijëve në Kosovë.
BPB, një ndër bankat më dinamike të vendit, përmes një aktiviteti humanitar ka mundësuar punësimin e dhjetëra Kosovarëve, pjesë e ndërmarrjeve dhe iniciativave të prodhuesëve vendor.
Në ditën e të dashuruarve, BPB bëri shpërndarjen e shpërblimeve falas për klientë të kësaj banke. Bileta VIP për çifte në kinemanë Cineplexx me menu të plotë të përfshirë si dhe një numër produktesh vendore, ishin pjesë e dhuratave të bankës për klientë të saj në ditën e të dashuruarve. Marigona Abazi, Enis Ajvazi, Doruntina Murati, Mustaf Beha dhe Venit Ajvazi janë fituesit e kësaj loje shpërblyese të bankës për klientë të saj, të lansuar në rrjete sociale kohë më parë.
Më 26 janar 2017, një numër studentësh prezantuan idetë e tyre të biznesit pranë panelit profesional të përbërë nga profesionistë të ndërmarrësisë. Duke qenë partner i zhvillimit dhe gjithmonë në përkrahje të komunitetit të biznesit në vend, BPB ka përkrahur financiarisht idenë më të mirë për biznes të studentëve të UBT.
Më 24 janar duke filluar na ora 19:00, shoqata Hair Kosova organizoi “Vitin e ri artistik të frizerëve”, takimin e bizneseve të ondulimit në Hotelin Emerald në Prishtinë për të festuar të arriturat gjatë vitit të kaluar dhe për të diskutuar mundësitë e zgjerimit dhe zhvillimit të mëtutjeshëm të këtyre bizneseve në të ardhmen.
Ne e dimë që edukimi i gjeneratave është meritë e pazëvendësueshme e mësuesve tanë. Në ditën përkushtuar atyre, me 7 Mars, kujtuam momentet më të bukura të mësueses Nebahate Shehu gjatë mësimdhënies ndër vite. Kontributi i tyre mbetet i përjetshëm. Faleminderit!
Ne e dimë që momenti i sjelljes në jetë të më të çmuarve tanë është moment i pa zëvendësueshëm, për nënën dhe familjen. Në datëlindjen e 8-të të Kosovës festuam ardhjen në jetë të foshnjave të para të lindura në spitalin e Prishtinës, Ferizajit dhe Gjilanit. Qofshin me jetë të gjatë!
Ne e dimë që të paktën njëherë në vit çdo familje ka nevojë të festoj pa brenga. Me rastin e festave të fundvitit, e patëm një dëshirë – gëzimin t’a ndajmë edhe me të tjerët. Gëzuar festat familje të dashura!
Ne e dimë që për nxënësit tanë kurrë nuk është mjaft me lapsa e ngjyra…Kurrë nuk është pak kur sjellim buzëqeshje 🙂
