Emri dhe mbiemri: Ansis Grasmanis
Pozita: Kryetar i Bordit të Drejtorëve

Ansis Grasmanis është anëtar i Bordit të Drejtorëve që nga Tetori 2017. Ai u zgjodh si Kryetar i Bordit në Korrik 2020. Z. Grasmanis ka mbi 15 vjet përvojë pune në pozicione drejtuese. Në veçanti, ai ishte Zyrtari Kryesor Financiar dhe Zyrtari Kryesor i Riskut i “Swedbank Latvia”, Shefi i Thesarit dhe Tregjeve të Kapitalit të “SEB Latvia”. Për disa vite ai punoi si auditor në Bankën Evropiane për Rindërtim dhe Zhvillim (Londër), si dhe në zyrën e PricewaterhouseCoopers në Londër. Aktualisht, ai është drejtor i pavarur në Bordin e Drejtorëve të SHA ” First Ukrainian International Bank “, Ukrainë. Z. Grasmanis ka një diplomë Master në Matematikë nga Universiteti i Letonisë.

Ai është anëtar i Shoqatës së Kontabilistëve të Çertifikuar – ACCA (UK), dhe mban Diplomë të Avancuar në Menaxhimin e Thesarit për Shoqatën e Thesareve të Korporatave, UK.

Emri dhe mbiemri: Nagip Krasniqi
Pozita: Zëvendës-kryetar i Bordit të Drejtorëve

Nagip Krasniqi është emëruar Zëvendës Kryesues i Bordit të Drejtorëve në Bankën për Biznes në Kosovë, që nga Korriku i vitit 2020. Z. Krasniqi ka një përvojë të pasur menaxheriale dhe profesionale. Karrierën e ka filluar si kontabilist i pavarur për disa vite, për të vazhduar në pozita të larta menaxheriale si në Trustin e Kursimeve Pensionale të Kosovës, Hekurudha të Kosovës, në Korporatën Energjetike të Kosovës etj. Nga viti 2009 deri më 2018 ka mbajtur pozitën e Udhëheqësit të Financave në Bankën TEB për të vazhduar më tej si konsulent i pavarur financiar, ndërmarrës dhe entuziast i FinTech. Z. Krasniqi ka diplomuar në Fakultetin Ekonomik në Universitetin e Prishtinës, ka studiuar më tej në “City College” – Selanik, një Fakultet ndërkombëtar i Universitetit të Sheffieldit – dhe mban titullin Kontabilist i Çertifikuar nga Shoqata e Kontabilistëve të Çertifikuar dhe Auditorëve të Kosovës (ShKÇAK)

Emri dhe mbiemri: Violeta Arifi-Krasniqi
Pozita: Anëtare e Bordit të Drejtorëve

Znj. Violeta Arifi-Krasniqi u emërua si Anëtare e pavarur e Bordit nga korriku 2020 për një mandat dy-vjeçar. Znj. Arifi-Krasniqi sjell një përvojë të pasur në politikëbërje  përgjatë funksioneve të biznesit, të fituara përmes punës nga nivelet teknike deri në atë ekzekutive, me mbi 15 vjet përvojë pune të fituar në pozita dhe sektorë të ndryshëm duke filluar nga sektori privat, ai publik dhe në sektorin jo-fitimprurës. Rolet e saj përfshin themelimin e operacioneve ose avancimin e organizatës për të arritur vlerën e shtuar dhe qëndrueshmëri. Më parë, Znj. Arifi-Krasniqi, udhëhoqi krijimin e sistemit të sigurimit të depozitave, një nga shtyllat e rrjetit të sigurisë financiare në Kosovë.

Si Drejtore Menaxhuese, pozicionin që mbajti për gati tetë vjet, ajo vendosi drejtimin strategjik të organizatës për të arritur pajtueshmërinë me standardet ndërkombëtare dhe siguroi përmbushjen me sukses të një numri iniciativash, si: 1. Zbatimi i dy projekteve me KFW dhe një me Bankën Botërore, 2. Negocimi i dy huamarrjeve me BERZH, 3.Rishikimi i normave të primit me mbështetjen e sektorit bankar; 4.Krijimin e një procesi të kompensimit 7-ditor të mbështetur me sistem të informacionit dhe me rregulla e procedura gjithëpërfshirëse. Znj. Arifi-Krasniqi, nga tetori 2016 deri në prill 2019 shërbeu si anëtare e Këshillit Ekzekutiv të IADI, një organ politikëbërës me seli në Bazel, Zvicër. Ndër përgjegjësitë e tjera, ajo mbështeti trajnimet dhe iniciativat e asistencës teknike, së pari si anëtare dhe më pas në rolin drejtues, si Zëvendëskryetare dhe Ushtryese e detyrës së Kryetarës. Znj. Arifi-Krasniqi ka kryer studimet MBA, me Meritë, nga Universiteti i Greenwich, në Londër. Pas studimeve pasuniversitare, ajo punoi në Mercer UK consulting.

Emri dhe mbiemri: Teuta Rexhbeqaj
Pozita: Anëtare e Bordit të Drejtorëve

Znj. Teuta Rexhbeqaj është emëruar si anëtare e pavarur e Bordit të Drejtorëve që nga korriku i vitit 2020. Përvoja profesionale e znj. Rexhbeqaj filloi në firmën e auditimit Deloitte Kosova Sh.p.k. që nga viti 2005 ku ajo arriti pozicionin e auditorit të lartë. Ajo ka punuar për auditime dhe angazhime këshilluese për gamë të ndryshme të kompanive lokale dhe ndërkombëtare duke përfshirë bankat, kompanitë e sigurimeve, institucionet mikrofinanciare, entet qeveritare, sektori publik, OJQ-të dhe subjektet e sektorit privat në tregun e Kosovës. Ajo vazhdoi më tej karrierën e saj kryesisht në sektorin bankar gati për tetë vite dhe në sektorin e sigurimeve për dy vjet. Që nga viti 2010 ajo mbajti pozicionin e Udhëheqësit të departamentit të financave në ProCredit Bank SH.A., duke qenë përgjegjëse për të menaxhuar linja të ndryshme të raportimit dhe për të mbajtur marrëdhënie profesionale si me organet rregullatore vendore ashtu edhe me Procredit Group.

Znj. Rexhbeqaj u bashkua nga nisja e fillimit të kompanisë lokale të sigurimeve Scardian Sh.A. në pozicionin e Drejtorit të Financave ku ajo ka qenë e përfshirë në të gjitha fazat e zhvillimit të softuerit të industrisë së sigurimeve dhe duke siguruar që të gjitha kërkesat e standardeve të kontabilitetit, rregullatorit dhe taksave janë zbatuar siç duhet për secilin produkt të sigurimit. Ajo tutje vazhdoi si Zyrtare kryesore e financave në degën e bankës huaj Turkiye IS Bankasi A.S. ku ishte përgjegjëse për departamentet si financa, thesari, back office dhe TI deri në fund të vitit 2019, për të vazhduar më tej si  konsulente i pavarur. Znj. Rexhbeqaj posedon diplomën Master në Shkencat Ekonomike në fushën e Menaxhimit Financiar nga Universiteti i Osijekut, Republika e Kroacisë.

Emri dhe mbiemri: Visar Bytyqi
Pozita: Anëtar i Bordit të Drejtorëve

Visar Bytyqi është emëruar Anëtar i Bordit të Drejtorëve dhe Kryesues i Komitetit të Auditimit të bankës BPB në gusht 2018. Z. Bytyqi ka punuar në pozicione të larta drejtuese për më shumë se 10 vjet në Deloitte dhe Grant Thornton. Ai ka përvojë të konsiderueshme financiare dhe audituese dhe ka ofruar shërbime për entitetet qeveritare, korporatat e listuara publike, kompanitë shumëkombëshe dhe shumë entitete të sektorit privat në Kosovë. Z. Bytyqi aktualisht është ligjërues në një nga Organizatat Profesionale të Kontabilitetit në vend dhe anëtar i Bordit të Drejtorëve në një nga korporatat më të mëdha të Kosovës.

Përvoja e tij e mëparshme, ndër të tjera, përfshin gjithashtu anëtar i Këshillit Kosovar për Raportim Financiar, anëtar i bordit të drejtorëve dhe kryesues i komitetit të auditimit të kompanisë së parë të sigurimeve në Kosovë. Z. Bytyqi është anëtar i Association of Chartered Certified Accountants – ACCA (UK) dhe Kontabilist dhe Auditor i Çertifikuar në Kosovë. Ai ka diplomë bachelor në Menaxhment dhe Informatikë nga Universiteti i Prishtinës.

Emri dhe mbiemri: Kushtrim Krasniqi
Pozita: Ekspert i jashtëm në Komitetin e Auditimit

Kushtrim Krasniqi është anëtar i jashtëm në Komitetin e Auditimit të Bankës për Biznes Sh.A që nga shkurti i vitit 2017.

Krasniqi ka përvojë 15 vjeçare në fushën e financave dhe kontabilitetit. Ai ka shërbyer në kompani dhe organizata të ndryshme si: ICCED – Qendra Ndërkombëtare për Zhvillimin e Komunitetit dhe Ndërmarrjeve, KEP Trust – institucioni lider mikrofinanciar në Kosovë dhe Asseco SEE. Z. Krasniqi ka përvojë të vlefshme edhe me Raiffeisen Bank, ku shërbeu si Analist i Riskut Kreditor për Korporata. Aktualisht ai mban pozitën e Analistit Financiar në Misionin e USAID-it në Kosovë.

Z. Krasniqi ka diplomuar në Financa dhe Kontabilitet për Banka në Universitetin e Prishtinës dhe ka përfunduar studimet post diplomike, në Administrim të Biznesit me fokus në Financa (MBA) nga Universiteti i Akron në Shtetet e Bashkuara të Amerikës si përfitues i bursës Fulbright.

Emri dhe mbiemri: Arton Celina
Pozita: Anëtar bordi sipas detyrës zyrtare

Arton Celina është emëruar Kryeshef Ekzekutiv si dhe antarë i Bordit Drejtues në Bankën për Biznes në Kosovë në Maj të vitit 2016. Karrierën bankare e filloi në Institucionin Mikrofinanciar KEP në vitin 1999, për të vazhduar në ProCredit Bank që nga viti 2002 ndërsa në vitin 2007 u bë pjesë e ekipit të TEB Bank SH.A. në Kosovë, fillimisht në cilësinë e Menaxherit Rajonal, për tu emëruar më pas si Udhëheqës i Shitjes dhe Marketingut dhe që nga viti 2013 ka mbajtur pozitën e Zëvendës Drejtorit Menaxhues në TEB Bank SH.A. në Kosovë, në segmentet e biznesit. z. Celina ka diplomuar në Fakultetin Ekonomik në Universitetin e Prishtinës, ndërsa studimet pasuniversitare i ka përfunduar në fushën e menaxhimit në UBT dhe në vitin 2013 u doktorua në fushën e Administrimit të Biznesit nga Universiteti SMC në Zvicër.