fbpx

BPB është bankë komerciale vendore e licencuar dhe e pranishme në tregun bankar të Kosovës që nga viti 2001. Që nga atëherë jemi në rritje të vazhdueshme, zhvillim dhe mbështetje të klientelës. Fleksibiliteti, afërsia dhe kujdesi ndaj klientëve e bëjnë BPB-në të veçohet. Ne ofrojmë portfolio të gjerë të produkteve dhe shërbimeve të projektuara enkas për mbështetjen e nevojave të individëve, ndërmarrjeve të vogla dhe të mesme, si dhe korporatave. Qëllimi ynë strategjik është të mbështesim zhvillimin e ekonomisë dhe bizneseve kosovare prandaj fokusi ynë është të krijojmë raporte të shëndosha dhe afatgjate me klientë me besim të ndërsjellë.

Rritja dhe zgjerimi i ndërmarrjeve të vogla dhe të mesme përveç se ndihmon zhvillimin ekonomik të vendit, i mundëson BPB-së, si partnere strategjike, të krijojë hapësira për promovim dhe stabilitet afatgjatë për kapitalin vendor. Duke ofruar shërbime cilësore dhe të thjeshta për përdorim, BPB mbështetë familjet, të punësuarit dhe studentët në jetësimin e planeve dhe nevojave të tyre.

Na vizitoni në njërën nga 26 njësitë tona nëpër tërë Kosovën, për të mësuar më shumë për shërbimet e bankës së vendit si dhe për të përfituar nga produktet e disejnuara që për qëllim kanë zhvillimin e përbashkët.

Mospranim i Përgjegjësisë

Banka për Biznes Sh. A. nuk është përgjegjëse dhe në mënyrë shprehimore mohon/nuk pranon çfarëdo përgjegjësie për çfarëdo lloj dëmi që mund të rrjedh nga përdorimi, referimi dhe/apo mbështetja në cilëndo informatë që gjendet në këtë ueb faqe. Pavarësisht se informatat në këtë ueb faqe rifreksohen periodikisht, Banka për Biznes Sh. A. nuk jep çfarëdo lloj garancie që informatat e tilla janë korrekte, të kompletuara dhe/apo të freskuara. Përveç kësaj, edhe pse kjo ueb faqe mund të përmbaj lidhje që dërgojnë tek burime tjera në internet, Banka për Biznes Sh. A. nuk është përgjegjëse për përmbajtjet e pasakta, të pavërteta, shpifëse, ofenduese ose të paligjshme në burime të tilla.

Banka për Biznes Sh. A. është pronare dhe ka/posedon të drejtat e autorit mbi të gjithë përmbajtjen e kësaj ueb faqe, duke përfshirë tekstin, grafikat dhe fotografitë, përveç nëse parashihet ndryshe. Përmbajtja e kësaj ueb faqe nuk mund të kopjohet, shpërndahet, modifikohet dhe/apo ri-publikohet pa autorizimin me shkrim të Bankës për Biznes Sh. A

Misioni dhe Vizioni

Misioni i Bankës

BPB synon bashkёpunimin e besueshёm dhe afatgjatё me NVM-tё, pёr tё mbёshtetur rritjen dhe zhvillimin e tyre pёrmes produkteve dhe shёrbimeve enkas te dizajnuara, tё pёrgjegjёshme dhe inovative.

Vizioni i Bankës

Të jemi bankë e qëndrueshme për aksionaret tonë, institucion kredibil për stafin tonë dhe lidere në ofrimin e produkteve dhe shërbimeve financiare për ndërmarrje të vogla dhe të mesme në Kosovë.

BORDI I DREJTORËVE

  • Ansis Grasmanis
    Kryetar i Bordit të Drejtorëve

    Ansis Grasmanis është anëtar i Bordit të Drejtorëve që nga Tetori 2017. Ai u zgjodh si Kryetar i Bordit në Korrik 2020. Z. Grasmanis ka mbi 15 vjet përvojë pune në pozicione drejtuese. Në veçanti, ai ishte Zyrtari Kryesor Financiar dhe Zyrtari Kryesor i Riskut i “Swedbank Latvia”, Shefi i Thesarit dhe Tregjeve të Kapitalit të “SEB Latvia”. Për disa vite ai punoi si auditor në Bankën Evropiane për Rindërtim dhe Zhvillim (Londër), si dhe në zyrën e PricewaterhouseCoopers në Londër. Aktualisht, ai është drejtor i pavarur në Bordin e Drejtorëve të SHA ” First Ukrainian International Bank “, Ukrainë. Z. Grasmanis ka një diplomë Master në Matematikë nga Universiteti i Letonisë.

    Ai është anëtar i Shoqatës së Kontabilistëve të Çertifikuar – ACCA (UK), dhe mban Diplomë të Avancuar në Menaxhimin e Thesarit për Shoqatën e Thesareve të Korporatave, UK.

  • Gazmend Kadriu
    Zv. Kryetar i Bordit të Drejtorëve

    Gazmend Kadriu është emëruar si anëtar i pavarur i Bordit të Drejtorëve në mars 2022, më pas dhe Nënkryetar i Bordit. Ai ka një përvojë profesionale gati 30-vjeçare në sektorin financiar në Maqedoni, Kosovë dhe Shqipëri, si dhe angazhime konsulence jasht rajonit. Në vitin 1993, ai punësohet në bankën qendrore të Maqedonisë, lidhur me Departamentin e Supervizionit (mbikëqyrjes bankare) që po krijohej në atë kohë, ku më vonë është emëruar dhe drejtor i parë i këtij departamenti. Pas disa vitesh angazhimi me konsulencë brenda dhe jasht vendit për disa institucione të ndryshme, ku mund të veçohen Banka Botërore Zyra Shkup, IFAD Romë, PwC Shkup etj., ai punësohet në Ernst & Young Shkup për auditim bankash dhe shërbime të tjera financiare në Maqedoni, me angazhime edhe në rajon.

    Më pas z. Kadriu emërohet anëtar i Bordit të Drejtorëve dhe anëtar i Komitetit te Menaxhimit të Riskut në Tutunska Banka Maqedoni (tani NLB Banka Maqedoni). Paralelisht me këtë angazhim, ai në vitin 2004 ka qenë Drejtor i Përgjithshëm i Bankës së Re të Kosovës (tani NLB Banka Kosovë). Nga viti 2005 e tutje ai ka qenë i angazhuar ekskluzivisht në Union Bank Shqipëri, njëherë në themelimin e më pas dhe drejtimin e saj si Drejtor i Përgjithshëm i bankës, ndërsa nga viti 2020 si anëtar i Bordit të Drejtorëve, si dhe i Komitetit Strategjik dhe Komitetit te Remunerimit të bankës. Z. Kadriu ka diplomuar në Fakultetin Ekonomik të Universitetit Kirili dhe Metodi në Shkup, drejtimi Financë-Kontabilitet-Banka.

  • Teuta Rexhbeqaj
    Anëtare e Bordit të Drejtorëve

    Znj. Teuta Rexhbeqaj është emëruar si anëtare e pavarur e Bordit të Drejtorëve që nga korriku i vitit 2020. Përvoja profesionale e znj. Rexhbeqaj filloi në firmën e auditimit Deloitte Kosova Sh.p.k. që nga viti 2005 ku ajo arriti pozicionin e auditorit të lartë. Ajo ka punuar për auditime dhe angazhime këshilluese për gamë të ndryshme të kompanive lokale dhe ndërkombëtare duke përfshirë bankat, kompanitë e sigurimeve, institucionet mikrofinanciare, entet qeveritare, sektori publik, OJQ-të dhe subjektet e sektorit privat në tregun e Kosovës. Ajo vazhdoi më tej karrierën e saj kryesisht në sektorin bankar gati për tetë vite dhe në sektorin e sigurimeve për dy vjet. Që nga viti 2010 ajo mbajti pozicionin e Udhëheqësit të departamentit të financave në ProCredit Bank SH.A., duke qenë përgjegjëse për të menaxhuar linja të ndryshme të raportimit dhe për të mbajtur marrëdhënie profesionale si me organet rregullatore vendore ashtu edhe me Procredit Group.

    Znj. Rexhbeqaj u bashkua nga nisja e fillimit të kompanisë lokale të sigurimeve Scardian Sh.A. në pozicionin e Drejtorit të Financave ku ajo ka qenë e përfshirë në të gjitha fazat e zhvillimit të softuerit të industrisë së sigurimeve dhe duke siguruar që të gjitha kërkesat e standardeve të kontabilitetit, rregullatorit dhe taksave janë zbatuar siç duhet për secilin produkt të sigurimit. Ajo tutje vazhdoi si Zyrtare kryesore e financave në degën e bankës huaj Turkiye IS Bankasi A.S. ku ishte përgjegjëse për departamentet si financa, thesari, back office dhe TI deri në fund të vitit 2019, për të vazhduar më tej si  konsulente i pavarur. Znj. Rexhbeqaj posedon diplomën Master në Shkencat Ekonomike në fushën e Menaxhimit Financiar nga Universiteti i Osijekut, Republika e Kroacisë.

  • Ardiana Bakija
    Anëtare e Bordit të Drejtorëve

    Znj. Ardiana Bakija është emëruar anëtare e Bordit të Drejtorëve në mars të vitit 2022. Përvoja profesionale e znj. Bakija ka filluar nga shoqëria civile në fillimin e viteve 2000, ku ajo ka dhënë kontributin e saj në spektrin ligjor të zbatimit të projekteve në fushën psiko-sociale. Karriera e saj ka vazhduar në industrinë bankare në gjysmën e dytë të viteve 2000, fillimisht në Bankën Ekonomike, në pozita udhëheqëse në nivel njësie dhe departamenti në fushën specifike të Pajtueshmërisë dhe të Parandalimit të Pastrimit të Parave. Përvojën në këtë fushë dhe në këtë nivel udhëheqjeje znj. Bakija e ka vazhduar edhe në Turkiye IS Bankasi, dega në Kosovë deri në vitin 2020.

    Gjatë viteve të fundit znj. Bakija i është bashkuar Fondit për Eficencë të Energjisë (FKEE) në pozitën e Udhëheqëses së Shërbimeve të Përgjithshme. Kontributi i saj në këtë institucion konsiston në draftimin dhe monitorimin e marrëveshjeve financiare dhe atyre për shërbime të energjisë, të cilat po zbatohen për herë të parë ne Kosovë. Po ashtu znj. Bakija është përgjegjëse për mbikëqyrjen e departamentit të burimeve njerëzore dhe prokurimit.  Znj. Bakija është e diplomuar në Fakultetin Juridik të Universitetit të Prishtinës dhe është e certifikuar ndërkombëtarisht në fushën e Pajtueshmërisë dhe PPP dhe po ashtu edhe në sektorin e Eficencës së Energjisë.

  • Visar Bytyqi
    Anëtar i Bordit të Drejtorëve

    Visar Bytyqi është emëruar Anëtar i Bordit të Drejtorëve dhe Kryesues i Komitetit të Auditimit të bankës BPB në gusht 2018. Z. Bytyqi ka punuar në pozicione të larta drejtuese për më shumë se 10 vjet në Deloitte dhe Grant Thornton. Ai ka përvojë të konsiderueshme financiare dhe audituese dhe ka ofruar shërbime për entitetet qeveritare, korporatat e listuara publike, kompanitë shumëkombëshe dhe shumë entitete të sektorit privat në Kosovë. Z. Bytyqi aktualisht është ligjërues në një nga Organizatat Profesionale të Kontabilitetit në vend dhe anëtar i Bordit të Drejtorëve në një nga korporatat më të mëdha të Kosovës.

    Përvoja e tij e mëparshme, ndër të tjera, përfshin gjithashtu anëtar i Këshillit Kosovar për Raportim Financiar, anëtar i bordit të drejtorëve dhe kryesues i komitetit të auditimit të kompanisë së parë të sigurimeve në Kosovë. Z. Bytyqi është anëtar i Association of Chartered Certified Accountants – ACCA (UK) dhe Kontabilist dhe Auditor i Çertifikuar në Kosovë. Ai ka diplomë bachelor në Menaxhment dhe Informatikë nga Universiteti i Prishtinës.

  • Florian Dervishi
    Ekspert i Jashtëm - Anëtar i Komitetit të Auditimit

    Florian Dervishi është emëruar si antar i jashtëm i Komitetit të Auditimit që nga Prilli i vitit 2022. Z. Dervishi sjell 25 vite eksperiencë profesionale dhe drejtuese në banka, mikrofinancë, administrim fondesh, administrim pasurie, lizing, faktoring dhe shërbime të tjera financiare, me emra të njohur në industri si ProCredit Bank, FINCA Impact Finance, Mikro Kapital dhe të tjerë. Në këto institucione, z. Dervishi ka mbajtur pozicione drejtuese, në nivel filiali apo grupi (Kryeshef Financiar, Kordinator për Bashkime dhe Blerje (Grupi), Drejtor Grupi i Auditit të Brendshëm), mbikqyrëse (Këshilli Drejtues, Komiteti i Auditit dhe Riskut) dhe këshilluese. Z. Dervishi ka eksperiencë terreni, që përfshin pozicionet e përhershme dhe angazhimet afatshkurtra, në 14 vende të Evropës Jugore dhe Lindore (ku hyn dhe Shqipëria dhe Kosova), Azisë Qendrore dhe Jugore, Afrikës dhe Amerikave.

    Z. Dervishi ka mbaruar studimet universitare në Fakultetin e Ekonomisë dhe Administrimit të Biznesit, Universiteti i Tiranës, në degën Financë – Kontabilitet, profili Banka. Ai ka kryer Master Shkencor në Universitetin e Staffordshire, Mbretëri e Bashkuar, për Financë dhe Menaxhim Ndërkombëtar. Z. Dervishi është edhe Bankier i Çertifikuar nga Shoqata Amerikane e Bankierëve. Z. Dervishi është kandidat për Analist Financiar i Çertifikuar (CFA), niveli II.



  • Fitore Iberhysaj

    Sekretare e Korporatës
    Email: Fitore.Iberhysaj@bpbbank.com
    Tel: +383 49 904 829

MENAXHMENTI

Për më tepër shkarko organogramin.

  • Artan Sadiku
    U.D Kryeshef Ekzekutiv dhe anëtar bordi sipas detyrës zyrtare

    Artan Sadiku, është emëruar Zv. Kryeshef Ekzekutiv në Bankën për Biznes në Gusht të vitit 2016. Karrierën bankare e filloi në ProCredit Bank në vitin 2004 për të vazhduar në pozita të ndryshme menaxhuese në nivel të degës dhe zyrës qendrore, duke u emëruar në vitin 2014 si Udhëheqës i Departamentit të Biznesit. Në vitin 2015, z. Sadiku iu bashkua bankës TEB SH.A në Kosovë si Udhëheqës i Departamentit të NVM-ve për t’u promovuar në Udhëheqës të Divizionit të NVM-ve me fokus të veçantë në zhvillimin e biznesit të NVM-ve dhe kolektimit të kredive jo performuese. z. Sadiku ka diplomuar në Fakultetin Ekonomik në Universitetin e Prishtinës ndërsa ka përfunduar studimet Master në Universitetin e Ljublanës, në Slloveni. Ai është diplomuar edhe në Akademinë rajonale të ProCredit Bank. Z.Sadiku është aktualisht kandidat për doktoraturë në Shkollën Ndërkombëtare për Studime Sociale dhe të Biznesit (ISSBS) në Slloveni.

  • Gazmend Rrustemi
    Zv. Kryeshef Ekzekutiv

    Gazmend Rrustemi është emëruar zv. Kryeshef Ekzekutiv në Bankën për Biznes në Prill të vitit 2017. Karrierën bankare e filloi në ProCredit Bank në vitin 2006 si Auditor i Brendshëm, për të vazhduar në pozita të ndryshme specialiste deri në emërimin e tij si zv. Drejtor në Departamentin e Auditimit të Brendshëm në vitin 2009 dhe pastaj Drejtor në Departamentin e Auditimit të Brendshëm në vitin 2010. Në vitin 2012 u emërua Menaxher i Lartë, pjesë e Bordit Menaxhues të zgjeruar, dhe gjatë viteve ka qenë përgjegjës për fushat e pagesave dhe operacioneve, TI-se, shërbimet e përgjithshme, biznesin me klientë individualë, shërbimin e klientëve, kartelat dhe shërbimet elektronike, si dhe zhvillimin e produkteve. Duke filluar nga vitit 2014, z. Rrustemi ka ushtruar edhe funksionin e Anëtarit të Bordit të Auditimit të Brendshëm në ProCredit Bank në Sarajevë. z. Rrustemi ka diplomuar në Fakultetin e Inxhinierisë Kompjuterike në Universitetin e Prishtinës. Ai është diplomuar edhe në Akademinë ProCredit në Fuerth, Gjermani.

Raportet Financiare

Kodi i etikës

Banka për Biznes është e angazhuar në standardet më të larta të sjelljes etike dhe profesionale. Kodi i Etikës së BPB-së përcakton parimet dhe praktikat themelore të punës, sjelljes profesionale dhe personale të cilat të gjithë punonjësit e bankës. Menaxhmenti Ekzekutiv dhe Bordi i Drejtorëve duhet t’i adaptojnë dhe të mbështeten në këto standarde.

Kodi i Etikës ka për qëllim të udhëzojë sjelljen tonë për të nxitur integritetin dhe besimin e publikut. Parimet dhe standardet e përmbledhura në këtë Kod, përshkruajnë të gjitha aktivitetet tona dhe marrëdhëniet me bashkëpunëtorët tonë, përfshirë klientët, kolegët, aksionarët, furnitorët, rregullatorët, partnerët e biznesit dhe gjithë shoqërinë.

Këto parime dhe standarde formojnë themelin për të gjitha politikat, udhëzimet dhe procedurat e BPB-së, të cilat janë në linjë me praktikat ndërkombëtare. Gjithsesi, Kodi nuk mund të adresojë çdo situatë me të cilën banka përballet, mirëpo synon që të vendos themelet bazë të sjelljes sonë në raport me publikun.

Kodi i Etikës përmbushet edhe nga procedurat, udhëzimet e brendshme si dhe ligjet e rregulloret ne fuqi, për të siguruar që të gjithë punonjësit veprojnë me integritet dhe ndershmëri në të gjitha aspektet dhe janë përgjegjës për veprimet e tyre. Kodi i Etikës së BPB-së, është korniza që përcakton standardin e qartë të sjelljes që duhet t’i përmbahemi të gjithë, gjithmonë duke ruajtur besimin e palëve të interesuara

Për të shikuar kodin e etikës klikoni këtu 

Ftesat për Ofertë

BPB ju fton të përgjigjeni në ftesat e hapura për ofertë të cilat publikohen edhe në gazetat ditore

  • Furnizim dhe instalim i pajisjeve të teknologjisë informative – Virtual WAF

Pronat në shitje

Informohuni për pronat e fundit të shpallura në shitje

Kontakti

BPB punon të jetë e qasshme nga ju në kanale të ndryshme të komunikimit, aty dhe atëherë kur juve ju nevojitet.

    BPB Junior

    Programi BPB Junior

    Ndërtoni të ardhmen tuaj duke bërë ambiciet tuaj realitet dhe filloni karrierën në një vend ku mund të mësoni nga më të mirët

     

    Të mësuarit nuk përfundon me diplomim!

     

    BPB Junior ofron mundësi të angazhimit të të rinjëve në trajnim dhe përgatitje profesionale nga stafi i bankës të specializuar në fusha të ndryshme të industrisë, për 3 – 4 muaj në mënyrën më të mirë për të filluar karrierën tuaj.
    Rotacioni në fusha të shumta është pjesë kryesore e programit dhe përmes punës në ekipe të ndryshme, ju do të mësoni në lidhje me tregjet financiare, atë që ne u ofrojmë klientëve dhe operacionet tona të përditshme.

    Të rinjëve në BPB Junior të cilët me sukses kalojnë fazat e trajnimit, do të iu mundësohet puna praktike në degë/departamentet e bankës, si dhe ky program mund të shërbejë si një urë lidhëse për tu bërë pjesë e bankës sonë.