20 vjet kampionë të sportit, BPB zgjedh minatorët e Trepçës
Banka për Biznes ka nënshkruar sot marrëveshje bashkëpunimi me KB Trepça. Në një takim që ka pasur zëvendësdrejtori i BPB-së, z.Artan Sadiku me drejtorin e këtij ekipi z.Vullnet Sefaja, palët janë dakorduar që Banka për Biznes të jetë mbështetësi kryesor në luftën e minatorëve për superligë.
Zëvendëskryeshefi ekzekutiv i Bankës për Biznes, z.Artan Sadiku ka nënshkruar sot marrëveshje bashkëpunimi me drejtorin e KB Trepça, z.Vullnet Sefaja.
Në hotel “Palace” në Mitrovicë, gjatë nënshkrimit të marrëveshjes pjesmarrës ishin edhe disa basketbollistë të këtij ekipi.
Në saje të kësaj marrëveshje, BPB do të jetë sponsor i ri i minatorëve në luftën e tyre të re për titull të Super Ligës.
Pas nënshkrimit të marrëveshjes, zëvendësdrejtori i BPB-së, z.Artan Sadiku para të pranishmëve ka folur për rëndësinë e këtij bashkëpunimi, duke premtuar se Banka për Biznes do të qëndrojë edhe më tutje afër sportistëve.
“Përkrahja e sportit vendor është fushë që BPB-ja i ka dhënë rëndësi të veçantë që nga themelimi i saj. Në këtë 20 vjetor të punës së Bankës për Biznes, kemi kënaqësinë që po bashkëpunojmë me ekipin ikonë të superligës kosovare në basket, KB Trepçën. Sikur BPB, edhe basketbollistët e Trepçës janë histori në vete e sportit vendor dhe simbol i komunitetit që e përfaqëson. Shpresojmë që me përkrahjen tonë, minatorët të kenë një sezonë të suksesshme drejt titullit edhe këtë vit”, tha zëvendëskryeshefi i BPB-së, duke premtuar edhe supriza të reja në kuadër të bashkëpunimeve me fushën e sportit.
“Kjo megjithatë është fillimi i bashkëpunimeve tona. Në javët në vijim do të dëgjoni edhe për shumë projekte të reja e bashkëpunime që do të bëhen për të ndarë bashkë me ju festën e ditëlindjes tonë. Kjo nuk do të mund të bëhej ndryshe pa partnerët me të cilët kemi bashkëpunuar gjatë këtij rrugëtimi”, tha z.Sadiku.
Falënderues për Bankën për Biznes është treguar edhe drejtori i ekipit, z.Vullnet Sefaja.
Ai tha para të pranishmëve se kjo ndihmesë nga Banka do të jetë e rëndësishme në rrugëtimin drejt kupës së Superligës.
“Jemi shumë të kënaqur me themelimin e këtij bashkëpunimi. Jemi posaçërisht të lumtur që BPB, në ketë vit jubilar për bankën, ka zgjedhur për të përkrahur KB Trepçën. Ne gëzojmë shumë vlera të përbashkëta, e kryesorja është ajo që të dy palët mundohemi që të sjellim inovacione në shërbime e spektakël në fushat respektive”, tha drejtori i ekipit.
“KB Trepça është një ndër klubet më të suksesshme kosovare dhe një shembull për udhëheqësi të mirë dhe reprezentim të komunitetit në të cilin vepron. Shpresojmë që ky bashkëpunim te rezultojë në pasurimin e kabinetit të trofeve për KB Trepçën dhe të jetë vetëm fillimi i një bashkëpunimi afatgjatë dhe i suksesshëm për të dy palët”, ka thënë z.Sefaja.
Për Bankën për Biznes bashkëpunimi me ekipet e sportit vendor është me rëndësi të veçantë, andaj edhe në vazhdimësi, është premtuar përkrahje në këtë drejtim.
20 vjet BPB, miku yt!
