BPB është bankë komerciale vendore e licencuar dhe e pranishme në tregun bankar të Kosovës që nga viti 2001. Që nga atëherë jemi në rritje të vazhdueshme, zhvillim dhe mbështetje të klientelës. Fleksibiliteti, afërsia dhe kujdesi ndaj klientëve e bëjnë BPB-në të veçohet. Ne ofrojmë portfolio të gjerë të produkteve dhe shërbimeve të projektuara enkas për mbështetjen e nevojave të individëve, ndërmarrjeve të vogla dhe të mesme, si dhe korporatave. Qëllimi ynë strategjik është të mbështesim zhvillimin e ekonomisë dhe bizneseve kosovare prandaj fokusi ynë është të krijojmë raporte të shëndosha dhe afatgjate me klientë me besim të ndërsjellë.

Rritja dhe zgjerimi i ndërmarrjeve të vogla dhe të mesme përveç se ndihmon zhvillimin ekonomik të vendit, i mundëson BPB-së, si partnere strategjike, të krijojë hapësira për promovim dhe stabilitet afatgjatë për kapitalin vendor. Duke ofruar shërbime cilësore, të thjeshta në përdorim, dhe të përballueshme për klientët individë, BPB mbështetë familjet, të punësuarit dhe studentët në jetësimin e planeve dhe nevojave të tyre.

Na vizitoni në njërën nga 26 njësitë tona nëpër tërë Kosovën, për të mësuar më shumë për shërbimet e bankës së vendit si dhe për të përfituar nga produktet e disejnuara që për qëllim kanë zhvillimin e përbashkët.

Misioni dhe Vizioni

Misioni i bankës

BPB synon bashkёpunimin e besueshёm dhe afatgjatё me NVM-tё, pёr tё mbёshtetur rritjen dhe zhvillimin e tyre pёrmes produkteve dhe shёrbimeve enkas te dizajnuara, tё pёrgjegjёshme dhe inovative. 

Vizioni i bankës

Të jemi bankë e qëndrueshme për aksionaret tonë, institucion kredibil për stafin tonë dhe lidere në ofrimin e produkteve dhe shërbimeve financiare për ndërmarrje të vogla dhe të mesme në Kosovë.

Mission and Vision Image

Menaxhmenti

Për më tepër shkarko organogramin.

  • Management Image

    Emri dhe mbiemri: Arton Celina
    Pozita: Kryeshef ekzekutiv

    Arton Celina është emëruar Kryeshef Ekzekutiv në Bankën për Biznes në Kosovë në Maj të vitit 2016. Karrierën bankare e filloi në Institucionin Mikrofinanciar KEP në vitin 1999, për të vazhduar në ProCredit Bank që nga viti 2002 ndërsa në vitin 2007 u bë pjesë e ekipit të TEB Bank SH.A. në Kosovë, fillimisht në cilësinë e Menaxherit Rajonal, për tu emëruar më pas si Udhëheqës i Shitjes dhe Marketingut dhe që nga viti 2013 ka mbajtur pozitën e Zëvendës Drejtorit Menaxhues në TEB Bank SH.A. në Kosovë, në segmentet e biznesit. z. Celina ka diplomuar në Fakultetin Ekonomik në Universitetin e Prishtinës, ndërsa studimet pasuniversitare i ka përfunduar në fushën e menaxhimit në UBT dhe në vitin 2013 u doktorua në fushën e Administrimit të Biznesit nga Universiteti SMC në Zvicër.

  • Management Image

    Emri dhe mbiemri: Artan Sadiku
    Pozita: Zv. Kryeshef ekzekutiv

    Artan Sadiku, është emëruar Zv. Kryeshef Ekzekutiv në Bankën për Biznes në Gusht të vitit 2016. Karrierën bankare e filloi në ProCredit Bank në vitin 2004 si analist kredie duke vazhduar në pozita të ndryshme menaxhuese në nivel të degës dhe zyrës qendrore, për tu emëruar në vitin 2014 si Udhëheqës i Departamentit të Biznesit. Në vitin 2015, z. Sadiku iu bashkua bankës TEB SH.A në Kosovë si Udhëheqës i Departamentit të NVM-ve për tu promovuar në Udhëheqës të Divizionit të NVM-ve me fokus të veçantë në zhvillimin e biznesit të NVM-ve dhe kolektimit e kredive të shlyera. z. Sadiku ka diplomuar në Fakultetin Ekonomik në Universitetin e Prishtinës ndërsa ka përfunduar studimet Master në Universitetin e Ljublanës, në Slloveni. Ai është diplomuar edhe në Akademinë rajonale të ProCredit Bank.  

  • Management Image

    Emri dhe mbiemri: Gazmend Rrustemi
    Pozita: Zv. Kryeshef ekzekutiv

    Gazmend Rrustemi, është emëruar Zv. Kryeshef Ekzekutiv në Bankën për Biznes në Prill të vitit 2017. Karrierën bankare e filloi në ProCredit Bank në vitin 2006 fillimisht si Auditor i Brendshëm, për të vazhduar si zv. Drejtor në Departamentin e Auditimit të Brendshëm prej vitit 2009. Në vitin 2010 u emërua Drejtor në Departamentin e Auditimit të Brendshëm dhe prej vitit 2012 u emërua Menaxher i Lartë, përgjegjës kryesisht për fushat e operacioneve, TI-se, shërbimet e përgjithshme, shërbimin e klientëve dhe zhvillimin e produkteve. Duke filluar nga vitit 2014, z. Rrustemi ka ushtruar edhe funksionin e Anëtarit të Bordit të Auditimit të Brendshëm në ProCredit Bank në Sarajevë. z. Rrustemi ka diplomuar në Fakultetin e Inxhinierisë Kompjuterike në Universitetin e Prishtinës. Ai është diplomuar edhe në Akademinë e ProCredit Bank në Furth, Gjermani.

Raportet Financiare

Ftesat për Ofertë

BPB ju fton të përgjigjeni në ftesat e hapura për ofertë të cilat publikohen edhe në gazetat ditore.

Karriera

BPB synon që të jetë vend atraktiv i punës ku performuesit më të mirë vlerësohen dhe zhvillohen në karrierë.

Ne promovojmë ambient sfidues të punës si dhe inkurajojmë punën ekipore, me qëllim rritjen e produktivitetit dhe krijimin e energjisë pozitive në vendin e punës.

Vlerat dhe parimet tona si integriteti, transparenca, energjia pozitive dhe puna ekipore, respektohen dhe mbrohen nga të gjithë të punësuarit me qëllimin e vetëm ofrimin e shërbimeve sa më cilësore ndaj klientëve.

BPB ofron mundësi të barabarta punësimi për të gjithë të interesuarit të cilët besojnë në vlerat tona, janë të gatshëm të marrin përgjegjësi dhe besojnë në rëndësinë e punës ekipore!

Bëhuni pjesë e ekipit tonë, duke aplikuar në pozitat e hapura!

BPB Junior

Programi BPB Juniors

Programi BPB Juniors ofron mundësi të angazhimit të të rinjëve të cilët kanë për qëllim fillimin e karrierës së tyre në një bankë në zhvillim. Banka është e përkushtuar që me programin BPB Juniors të ju hap dyert shumë të rinjëve të talentuar, për tu zhvilluar profesionalisht në sistemin bankar

BPB Juniors, përmes stafit të bankës të cilët janë të specializuar në fusha të ndryshme të sistemit bankar si dhe me angazhimin e Profesorëve nga Universitete, do të ofrojë trajnime profesionale në fushën e sistemit bankar si dhe trajnime në fushën e aftësive anlitike. Përveç tjerash, programi do të ofrojë mundësi të vijimit të praktikës për studentë, pas përfundimit të pjesës së trajnimeve.

Kontakti

BPB punon të jetë e qasshme nga ju në kanale të ndryshme të komunikimit, aty dhe atëherë kur juve ju nevojitet.